بعدك بتحبني ؟

2009/02/26

هو : إلي زمان ما شفتك .. خير شو عاملة هالأيام
هي : ولا شي
هو : شلون يعني ؟ مشغولة ؟
هي : هئ
هو : لكن ليش ما عم تسألي علي
هي : صاير ممل
هو : انا ؟ شو بدك اعملك طيب حتى ما صير ممل
هي : مابعرف
هو : صحيح على قد حالي بس عم يتحسن الوضع شوي شوي
هي : أي تحسن وأي وضع ؟
هو : وضعنا ..
هي : مين نحن
هو : انا وانتي .. شبنا
هي : مو مبين انو عم يتحسن
هو : لا لا عم يتحسن .. اليوم احسن من سنة .. وبوكره احسن من اليوم
هي : طيب
هو : بتعرفي
هي : شو بدي اعرف
هو : هلء يمكن ماعندي بيت ملك خمس غرف وصالون بس راتبي وقرض مناخدو بيدبرلنا بيت منمنم نسكن فيو شو رايك
هي : الله كريم
هو : سبحان الله … بيطعم الحلاوة للي مالو سنان
هي : لكل مجتهد نصيب
هو : شوفي رفيقي مروان .. عندو بيت سبع غرف وسيارة موديل هالسنة وتركلو ابوه رصيد مقبول بالبنك عم يشغلو بالبورصة .. ومع هيك لسا ما لاقى بنت يرتبط فيها .. وهي نحن جاهزين بس ناقصنا بيت يحمينا بين حيطانه
هي : بتحبني ؟
هو : شو هالحكي ؟ … اكيد بحبك لكن لشو عم طح ليل نهار
هي : اذا بتحبني عنجد تعرفني على رفيقك مروان وما رح انسالك هالمعروف ابدا
هو : … !!

Advertisements

8 تعليقات “بعدك بتحبني ؟”

  1. زهرة الاسلام Says:

    شكرا ناسداك

    كلمات اكثر من رائعة تعبر عن الوضع وتبعاته …باسلوب ساخر خفيف وظريف

    وكتعقيب …اقول الله يعين هالشباب منين يجيبوها ليجيبوها

    اللي عم يتغرب ليجمع قرشين …واللي قلبت عن خطيبتو لانو ما معو حق بيت …

    واللي طول النهار راكد بدوامة …او ما عم يلاقي شغل

    وضع سيحاسب عليه من كان سببا به

    سامح الله من وقف بوجه شبابنا ولم يمدهم بما يفعل طاقاتهم في حضن بلدهم

    اللهم اصلح حالنا لا حسن حال

    ما عدا ذلك السكيتش مميز وحلو

    والله يصلح الحال ياارب

    اختكم زهرة

  2. asma Qadah Says:

    حقيقة مرة
    وحوار مؤلم!

    شكراً ناسداك


  3. رائعة .. حلوة كثيرة .. هي حسب نظرية السعي للحصول ع العرض الأفضل ..

  4. اللجي Says:

    لو كنت مكانه لتركتها انها فتاة حمقاء
    لا تعرف ان الحب ابعد من تللك الحدود
    لحظة من العشق افضل واحلى من قصر من قصور الجنة
    اذا اعطيتها وعاشوا لحظات الحب والشعور الغريب الرائع
    صدقني لا يرؤن هذا الاشياء
    اللهم اذا كانو يعيشون الحب كاحالة فقط… وهذا اغلب
    انواع الحب الذي اصادفه هذا الايام……..

    تحياتي الك…………….

  5. ناسداك Says:

    زهرة الاسلام :: شكرا لكلماتك التي دائما تضيفينا لما اكتب على هذه الصفحات وشكرا لتواجدك

    اسماء : طالما كانت الحقيقة مرة … وكلمة الحق مزعجة .. نتحاشها لكننا نلقاها … اهلا بك دائما

    مستر بلوند :: هكذا حال البشر … مصالح … لا بأس حتى هنا … لكن المشكلة ان تغلب الفرد على الجماعة

    اللجي :: هناك طائفة تعلقت بالماديات والمحسوسات وجعلتها الطابع الغالب على علاقاتها … للأسف

    مرحباً بكل من قرأ .. وعلق

  6. Rami Says:

    ملعوبة و بصراحة للأسف هاد الحب الحديث إلا من رحم ربي…
    يعطيك ألف عافية ….
    رامي

  7. uramium Says:

    وإن تركته إلى مروان ، تكون قد قدمت له معروفاً كبيراً، ربما وقتها يكون حبها له كبير 🙂

  8. لولا Says:

    الحب لا يشترى بالمال!


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: