شي 12 بحر متوسط

2010/05/31

ابو صياح : مرحبا حسني افندي
حسني : اهليييين ابو صياح
ابو صياح : لك وين هالغيبة يا حسني افندي
حسني : والله كنت طالع سياحة بالبحر
ابو صياح : شي حلو والله .. يعني رحت عاللاذقية ؟
حسني : لا رحت فتلت بالبحر بين هالدول
ابو صياح : اى وشلون رحت
حسني : والله طلعتلك بالسيارة ع اللاذقية ومن هنيك اخدت باخرة وفتلت من اللادقية لبيروت للاسكندرية لطرابلس لتونس و الجزائر و مراكش وبعدها رجعت اسبانيا و فرنسا و ايطاليا و اليونان و قبرص .. و رجعت اللادقية
ابو صياح : والله شي ناهي يا حسني .. انبسطت كتير ماهيك
حسني : اى يا ابو صياح شفتلك شي 12 بحر متوسط
ابو صياح : شه .. شلون ظبطت معك هاي .. انا اللي بعرفو كلن ع بعضن بحر متوسط واحد
حسني : لا هنن 12 و انا فتلتن كلن بجولتي
ابو صياح : ما دخلت أعلي هي .. شرحلي ياها
حسني : هاد انا وصلت ع اللادقية سالتن هاد اي بحر .. قالولي المتوسط .. ولما وصلت الاسكندرية سألتن هاد البحر شو اسمو .. قالولي المتوسط .. ولما وصلت مراكش قالولي متوسط و هيك كل ما انزل ببلد يقولولي المتوسط
ابو صياح : حسني حبيبي .. انا اللي بعرفو انو الواحد بيطلع من بلدو فهمان بيرجع عليها حمار .. بس مو حدى يطلع من بلدو حمار ويرجع حمار

من مسرح الشوك للثنائي المبدع .. رفيق سبيعي و نهاد قلعي

Advertisements

4 تعليقات “شي 12 بحر متوسط”

  1. tabosho Says:

    مسرح الشوك من السبعينات لحد الآن خالد …
    كلنا يعرف من هم عباقرة مسرح الشوك …كانو يتحدثون بفطرة غريبة…لايدنسهاالا شوك المجتمع الذي كان يرفض فنهم ويحارب فكرهم وكم عانو حتى تأسس مسرحهم والفضل يعود للفنان القدير عمر حجو
    كل شكري لك ناسداك
    الحمد لله ماطلعنا من البلد 🙂

    • ناسداك Says:

      من اقوى الحركات المسرحية بسورية واللي امتدت للوطن العربي ونقلت عروضها سفراء .. حكت نقد و سخرية لازالت صحيحة حتى ايامنا هذه .. وبالاخص العبقري محمد الماغوط

      تحياتي الك صديقي 🙂


  2. شي 12 بحر متوسط…

    ابو صياح : مرحبا حسني افندي حسني : اهليييين ابو صياح ابو صياح : لك وين هالغيبة يا حسني افندي حسني : والله كنت طالع سياحة بالبحر ابو صياح : شي حل………


  3. شي 12 بحر متوسط…

    ابو صياح : مرحبا حسني افندي حسني : اهليييين ابو صياح ابو صياح : لك وين هالغيبة يا حسني افندي حسني : والله كنت طالع سياحة بالبحر ابو صياح : شي حل………


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: