نبدء مع الشكر على التوريطة من ريم ، بس من التوريطات الحلوة بعالم التدوين .

صراحة وصلني الواجب قبل الكتير من المدونين لكن كنت محتار بين شو هنن الاسرار الستة اللي لازم احكيهن عني ، احترت اول شي شو هو السر و شو هو غير السر … مالكن بطول السيرة .. إليكم ستة اسرار كما هو مطلوب بالتمام والكمال و فوقهن حبة بركة

أقرأ باقي الموضوع »

مرة رحنا انا و اخواتي لعند جدو شكينا بابا

نحن : جدو .. بابا ما عم يجبلنا موز

جدو بهدل بابا .. بابا بهدلنا

من كم يوم

رحنا انا و اخواتي لعند جدو شكينا بابا

نحن : جدو .. بابا ما عم يجبلنا بندورة

جدو ما حكى شي مع بابا .. بابا ما حكى شي معنا

وصرنا نعمل الجظمظ بالموز

مواطن : مرحبا شريك شو اخبارك

شريك : اهلين

مواطن : شبك مجقوم وشك ع القناة التانية … افردا

شريك : وهي فردتا
أقرأ باقي الموضوع »

كل عام والجميع بخير !

كل سنة يمر عيد الفطر .. الاسواق مزدحمة والكل مستعجل .. خلينا بلحظة نوقف اي حدى من الشارع ونسلم عليه ونقلو كل عام  و انت بخير .. مو مهم مين كان .. مو شرط تعرفو .. بيكفي انه انسان

عيد فطر سعيد ، كل عام وانتم بألف خير و ارسل لكم احلى بطاقات التهنئة

https://i0.wp.com/www.dr3.biz/media/1/20090919-25.jpg

نفض سكرتون

2010/09/01

https://i2.wp.com/www.bbc.co.uk/stoke/content/images/2007/05/24/private_470x315.jpg

دخل غرفته متنشطاً على غير العادة .. امتطى صهوة اللابتوب كالعادة .. نظر بجانب عينه فرأى السكرتون .. وهو ما يدعى بخزانة الملابس او دولاب الملابس .. الحاصلو لمعت لمبة افكاره .. والله صار لازمها نفض .. والنفض يا سادة يا نسكافيه هو عملية إعادة بث الحياة في أي شيء فتقوم بتغير ملامحه و كب كل ما لا يلزمك و اعادة ترتيب ما يلزمك … تماما كنفض السيارة .. البيت .. السقيفة .. و حتى الزوجة !!

المهم اعتبر ان تخته مخصص للاشياء التي تلزم .. و التخت الثاني هو للاشياء التي يلزمها كب .. وضع كمامته و نظارات الوقاية و الخوزة وانطلق

دفاتر دعاية ذات صفحات فارغة خبئها لتكون مسودات يحل عليها المسائل ، خصوصية هذه الدفاتر انه حصل عليها من جاره ابو محمد والذي يعمل مندوباً طبياً لأحد شركات الادوية ، ابو محمد هذا كان سبب في متابعة حياة صاحبنا من بعد الله طبعا ، لذا احتفظ بها .. مات ابو محمد .. و راحت ايام المسائل ولازالت الدفاتر بصفحات بيضاء
أقرأ باقي الموضوع »

%d مدونون معجبون بهذه: