حوارية .. مواطن – مدير عام

مواطن : مرحبا شريك شو اخبارك

شريك : اهلين

مواطن : شبك مجقوم وشك ع القناة التانية … افردا

شريك : وهي فردتا

مواطن : ليه عم تكتب بالاخضر

شريك : كالعادة !

مواطن : حاسك مدير عام

شريك : طبعا

مواطن : بس بتعرف شو الغريب ؟

شريك : لا

مواطن : اني عم اكتب بالازرق .. بقلم ابو العشر ليرات .. وعم تتجاوب معي ..

شريك : وين الغريب ؟

مواطن : اول مرة بسمع انو مواطن بيصل لمدير عام وبيحكي معو  !!

شريك : هلء هالكلمتين اللي رديت عليك فيهن بتسميهن حكي

مواطن : لك هي معجزة .. بس انت مو شايفها لانك قاعد على كرسي المدراء مو خازوق المواطنين

شريك : ازا هيك معك حق