حكي
2009/06/12
جلس مع ابو اصطيف على رصيف الشارع يدردشون
– عم يقولوا انو السيارات الأمريكي بدها تصير بتراب المصاري .. بيع اللي عندك واشتري امريكي
– والله يا ابو صطيف طالعة اشاعة قوية كتير والكل عم يحكي فيها انو في زلزال قريب بدو يضربنا بقى بنصحك تأجل مشروعك شوي
– في حكي قوي كتير انو الدخان رح ينقطع مشان ينفقد بالسوق ويغلى سعرو لذلك اشتريلك كم كروز مونة
– الحكي مسرب من ناس فوق .. الخدامات الاندنوسيات معهن ايدز … جيبلك فلبينية
– وصلني ايميل بيقول انو احذف المسنجر من عندك لانو فيو سمايليات يهودية ونجمة داوود لذلك بنصحك ترجع تربي كشة الحمام ع السطح لنرجع نتواصل
مـدونـة ناســداك 
2009/06/12 at 10:21 م
و الله منيح نبهتنا عالاندونيسيات
هههههههههههههههه
الله يعطيك العافية
2009/06/12 at 10:33 م
ليش ما بتعرف انو الwordpress يهودية و كلشي عم تساويه عم يروح لمصلحة إسرائيل!!.
الحق معك كلو علاك بعلاك.
2009/06/13 at 12:46 ص
“الخدامات الاندنوسيات معهن ايدز …” الاستخدام هو : خادمات أم جاريات في هذه الحالة! تحيّة لك
2009/06/13 at 2:41 ص
ما بتعرف كمان إن فيس بوك يعمل لصالح الموساد و CIA !!!
وأسسته أميركا والمخابرات الإسرائيلية للتجسس على العرب!
>>> قال يعني العرب عندهم شي مخبّى!
~
أكتر ناس نرّوج إشاعات…
بسبب حالنا البائس وزمن القمع…
2009/06/13 at 12:09 م
شو ها الحكي؟؟
ودٌّ
2009/06/13 at 12:18 م
والله هيك الحكي يا جماعة … اشاعات وقصص وكلام رايح جاي … ويبقى الجهل سيد الموقف
ويا امة ضحكت من جهلها الامم
تحياتي للجميع
2009/06/14 at 9:46 ص
مع الاشاعات و الشائعات في كمان التنبؤات و التنجيمات .. ومن لف لفهم .. يعني بس انا بطمنك اخر تنبؤ انا تنبأته انو اذا ما صار هداك الشي الاولاني رح يصير الشي التاني و بالعكس 😛
2009/06/15 at 11:05 ص
واذا صار الشي التاني قد لا يصير الاولاني ولا الرابعاني كمان
مرحبا مانوليا
2009/06/14 at 9:31 م
أخر خبر هو انو الوورد بريس يضر بالصحة
وسبب رئيسي لأنفلونزا الخنازير 🙂
2009/06/15 at 11:06 ص
وكمان بيعمل ادمان !
والله عم يطلع معون اشكال الوان هالعالم
تحياتي احمد
2009/06/19 at 9:35 م
عم يقولوا انو في امواج كهرومغناطيسة رح تضرب الارض بـ 2010 ورح ينتهي عصر التكنولوجيا ونرجع لزمان الديناصورات
2009/06/21 at 10:51 ص
وكمان عم يقولو انو كاسة الشاي جنب شاشة الكمبيوتر بتدخلها ملايين الامواج الكهرومغناطيسية واللي بيعمل هيك لازم يموت ^_^ …. غريب كيف بعدي عايش ؟!
2009/06/25 at 9:26 م
مابعرف بس ياصاح في عندك علم
إنو حتى تراب المصاري عم بغلى بهالإيام .
كنت هون وسمعت الإشاعات .
تحية
2009/06/25 at 9:38 م
ما بعرف إذا سمعتوا إنو حتى تراب المصاري
رح يغلى .
تحياة .
2009/06/25 at 10:14 م
معناها صار لازم نقول بغبار المصاري !!
2009/06/28 at 12:53 ص
ههههههههههه
أضحك الله سنك يا شيخ
أعبجتني الأخيرة جداً
وبيبقى كلو حكي 🙂
2009/07/07 at 11:44 ص
وضيف هي من مسلسل بقعة ضوء :
شفير التكسي الأول بيقول لشفير التكسي الثاني طبعا ً ( كلاهما عم بيقدم بكلوريا )
الأول : كيف الحفظ معك أبو محمود
الثاني: والله يا أبو مروان خايف شوي من الجغرافيا أنت من شو خايف ؟
الأول :أنا خايف من العربي ي أبو محمود
الثاني لك له يا أبو مروان !! أنت خايف من العربي لك ((((( العربي بعمرو ما وقف بوجه حدى )))) 🙂
2010/09/16 at 2:27 ص
حكي…
جلس مع ابو اصطيف على رصيف الشارع يدردشون – عم يقولوا انو السيارات الأمريكي بدها تصير بتراب المصاري .. بيع اللي عندك واشتري امريكي – والله يا……
2010/12/01 at 6:39 م
حكي…
جلس مع ابو اصطيف على رصيف الشارع يدردشون – عم يقولوا انو السيارات الأمريكي بدها تصير بتراب المصاري .. بيع اللي عندك واشتري امريكي – والله يا……